Mudiad cynyddol sy’n gweithio i adfer natur,
cryfhau cymunedau gwledig a llunio dyfodol
gwylltach i Gymru.
Mae Cynghrair Ailwylltio Cymru yn fudiad sy’n tyfu ac sy’n uno sefydliadau, tirfeddianwyr, cymunedau a’r rhai sy’n gwneud penderfyniadau i adfer ecosystemau ffyniannus, rhoi hwb i fywoliaethau yng nghefn gwlad a dathlu tirweddau Cymru a’n natur wyllt.
Rydym yn meithrin y grym a’r momentwm sydd eu hangen i gyflawni ailwylltio yng Nghymru, gan Gymru, ar ran Cymru.
Mae yna hawl foesol i warchod ac ailgyflwyno rhywogaethau brodorol, gan helpu pobl i gydfodoli â nhw unwaith eto.
Rhaid i adferiad byd natur fod o fudd i Gymru, ei chymunedau, a’i dyfodol.
Rydym yn cefnogi gwella mynediad at y tir a’r dŵr a democrateiddio sut cânt eu rheoli a’u gwarchod.
Rydym yn eirioli ar ran Cymru, yng Nghymru, ar ran pobl a byd natur.
Mae’r gorffennol yn ganllaw, ond mae sawl dyfodol yn bosibl: nid ydym yn ceisio dychwelyd i unrhyw un adeg.
Rydym yn ceisio gweithredu fel mudiad sy’n rhoi llais cryfach i bobl dros ddyfodol natur, o ran sut caiff penderfyniadau eu gwneud a’u hawl i gael mynediad iddi a’i mwynhau. Mae ailwylltio yn ganolog i hyn. Rydym am i bobl ar hyd a lled Cymru deimlo bod ganddyn nhw gyfran go iawn yn y penderfyniadau a wneir am y tir a’r môr, penderfyniadau sy’n effeithio ar eu bywydau, eu bywoliaeth, a’u cymdogaethau.
Drwy weithio gyda chymunedau, tirfeddianwyr, grwpiau diddordeb a’r llywodraeth, ein nod yw meithrin cydweledigaeth ar gyfer ein tirweddau a’n morweddau sy’n hyderus ac yn agored am yr angen am natur ffyniannus yn ein dyfodol ni oll.
Cydlynu camau gweithredu sy’n meithrin cefnogaeth y cyhoedd a gweithgareddau sy’n cymell ymrwymiad gwleidyddol sylweddol i alluogi ailwylltio ar raddfa sy’n newydd i Gymru. Bydd hyn yn sicrhau bod natur a chymunedau’n ffynnu, tirfeddianwyr a chymunedau arfordirol yn elwa a bod gan bawb ohonom fynediad gwell at dirweddau gwyllt.
Mae dad-ddofi yn ddull system. Rhan o’i bŵer yw ail-greu ein perthynas â byd natur, gan gydnabod ein bod yn rhan o fyd natur. Mae’r newidiadau hyn yn caniatáu lle i fyd natur arwain, gan wneud rhywfaint o’r gwaith caled ar ein rhain.
Mae ein hadroddiad diweddaraf yn nodi gweledigaeth glir, ymarferol ar gyfer sut y gall dad-ddofi weithio i Gymru, gan adfer byd natur wrth gefnogi cymunedau, bywoliaethau a diwylliant.
Mae’n dangos sut y gall Cymru arwain y ffordd wrth fynd i’r afael â cholli bioamrywiaeth a newid hinsawdd drwy weithredu ar y cyd yn gadarn.
Mae’r gorsafoedd pleidleisio wedi cau ac mae’r pleidleisiau a fwriwyd wedi’u cyfrif. Mae 96 Aelod Seneddol wedi eu hethol ar draws 16 etholaeth. Bydd nifer mwyaf posibl y Gweinidogion yn cynyddu o 12 i 17.
Ydych chi’n breuddwydio am ddyfodol sy’n wylltach, yn gyfoethocach o ran bioamrywiaeth, ac yn llawn cyfleoedd i gymunedau lleol? Ry’n ni o’r farn mai ailwylltio yw craidd y weledigaeth honno…
The Welsh Rewilding Alliance has launched today, sharing a vision for ‘a wilder Wales where nature thrives, rural economies prosper, and we all have better access to wild landscapes’.
Felly mae’n amser dangos eich cefnogaeth i ailwylltio. Rydyn ni wedi darllen addewidion y maniffestos dros natur a’r hinsawdd ac rydyn ni eisiau gweld y cynlluniau. Mae angen symud ymlaen o siarad am obaith a newid i weithredu, ac mae angen i ni deimlo’r uchelgais.
Mae natur yng Nghymru mewn trafferth, ac mae ymdrechion i fynd i’r afael â hynny ymhell ar y tu ôl i genhedloedd eraill. Ond pan ddaw taw ar arferion echdynnol a phan gaiff natur arwain eto, gall yr adferiad fod yn syfrdanol – i fyd natur ac i bobl.